رد: ۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞

من طرف **عنووون وتوتة** 12th يوليو 2010, 5:04 am

بسم الله الرحمن الرحيم
السلام عليكم ورحمة الله وبركاته
اهلييييييييييييين عزوزة
باااااااااااااااارت روووووووووووووووعه كرووووووووووووعة كاتبته
باااااااااااااااس القفلة حماااااااااااس
الله يهدينا واياك لاعاد تعودينها
كل الشكر عزوزتنااااااااا

من طرف غموض طفله,, 12th يوليو 2010, 10:03 am

وأخيرا لقيت فرصه أقرا البآرت ۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 648429

البارت كالعادهـ ۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 264288

فررحت ان مليك مو السفااااح وان مزون انخطبت عشان ديم وان شاء الله بتتحسن علاقته مع دييوم بس احس بتصير بينهم مشاكل ..

ريووف حالتها صعبـه مررهـ ماادري وش يصير فيها

جد المـى احس انه ماراح يموت بيرجـع لهم

ووو بـــس هذي توقعااتي وانتظر الباارت بكرااا..

من طرف **شمعة الجلاس** 13th يوليو 2010, 2:15 am

ووووووووووووووينك عزوووووزه
نزلتي البارت واختفيتي
على العموم وحشتيني ولااااااااااتنسي البارت بكره

ترا معاد فيني صبــــــــــــــــــــــر

۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 675957

من طرف **عزيزة نفس** 13th يوليو 2010, 2:27 am

نوووووورتوا صفحتي يالغاليات

غمووووضهو

تووووته

والله اني مجرد اشوف نكاتكم اسعد بها
فما بالكم حضوركم وردودكم اللي تثلج صدري مثل العاده ...
الله لايحرمني منكم

من طرف **عزيزة نفس** 13th يوليو 2010, 2:38 am

شمعة الجلاس كتب:
ووووووووووووووينك عزوووووزه
نزلتي البارت واختفيتي
على العموم وحشتيني ولااااااااااتنسي البارت بكره

ترا معاد فيني صبــــــــــــــــــــــر

ههههههههههههههه
انا موجوده ياقلبي
بس شوي انشغلت
الله يعين بس
والبارت بكره بمشيئه الله

۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 37573

عزيــــــــــــــــزه ذبحني النوم

وينك ماشاء الله عودتينا تنزلي البارتات بدري وينك اليوم

خخخخ شكلها راحت عليك نوووووووووومه

نووم العوافي يابطه هع

اشتقت لديــــــــــــــم

۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 Lol

۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 Lol

من طرف **om_ayah** 13th يوليو 2010, 1:58 pm

سلام عليكم
زيزو فينك يا قمر

يعني مش حأفطر وأنا أقرا البارت

في انتظارك

من طرف **om_ayah** 14th يوليو 2010, 3:42 am

فينك يا زيزو

لعل المانع خير
۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 482579

من طرف **عزيزة نفس** 14th يوليو 2010, 3:46 am

هلا ياقلبي معك ثوااااااااااااني بس ...

من طرف **om_ayah** 14th يوليو 2010, 6:41 pm

۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞ - صفحة 4 423948

۞۩ ๑البارت الــخامس ๑۩۞

۞ المى
فزيت من نووووومـــــي على صراااااخ ديم وبكى عزام لوهله حسيت ان جدي مات بس لان عقلي الباطن رفض هالفكره
مانزلت مني دمعه وركضت ابي احد يهدي القلب اللي بين ضلوعي لانه لو استمر ثواني كذا ممكن يتوقف باي لحظه
ابي احد يهدي روحي وياخذ بيدي
من طلعت كانت ديم على صدر ام عزيز امنـــا وملاذنـــــا ووجه الخيــــــر بالقريه كلها ..
وعزام جالس وجنبه عزيز احسه وده يواسيه بس مو عارف كيف
وياسين واقفه تتأمل الجو بملامح حزينه
/ وش فيكــــــــــــــمــ ؟!

۞ ديم
صديت لهـــا شفت دموعها سيل على خدودها ركضت لها وضميتها
مو قادره اعبر او انطــــــق ملاذنا واخر حدود دنيانا
البارح طاح عليه صاعقه ....

حسيت المى بردت بين يديني رفعت راسي لها وشفتها شبه مغيبه عن الدنيا
تذكرت جدها وانها ممكن فسرت حزننا غلط
قلت باندفاع / الكهف دمرته صاعقه وساوته بالتراب
/....
بدموع /المـــى
/....
بضيق / قلبي جدك بخير وهم بالطريق ..بس بيتنا يالمى عمرنا اللي عشناه وحياتنا وذكرياتنا كلها اندفنت بالكهف (ضميتها بقهر وحزن والم وصدمه وقمت اصرخ كاني برد القدر)
وين ننعزل لما نبي نبكي وين نختبي لما نكون خايفين وين بنعيش لما يكون كهفنا ماله مثيل بالدفء والامن والراحه والاستقرار ...
من حسيت بها تضمني ارتحت كونها رجعت للحياه لاني مو ثواني شفت بوجهها شبح الموت ....
جت ام عزيز وام ياسين يواسونا
اما المى همست لي / ديم بروح اتسنن
راحت وقرب مني عزام احسه مثلي توه يحس باحساس الفقد موت امي وابوي ما اثر فينا مثل ماثر فينا انهدام الكهف بس ممكن لاننا نعيش معهم ونشم بقايا روحهم الطيبه ترفرف بيننا
ضميته وجلست ابكي
ومن اذن الظهر طلع مع عبد الاله اللي اصر عليه يصلي معهم بالمسجد وانا دخلت اصلي وادعي ربي يسخر لنا الناس دامنا صرنا بحاجتهم مو مثل اول مغنينا ربي
المهم دخلت كانت المى ساجده وتبكي غبطتها على تعلقها بربها انا رغم صلاتي وحرصي على السنن وقرايه القران
اللي اني عند المى اطلع مقصره بدليل هي تحفظ من كتاب الله 12 جزء عن ظهر قلب بينما انا 4 والخامس للحين مو مكملته
هي وهي تصلي تنسى نفسها ودنياها وهمومها وتبقى مع ربها قايمه راكعه بخشوووع
تنهدت وفرشت سجادتي دخلت ياسين
وجلست بصمت
قلت لها / ياسين تعالي صلي هنا انا بصلي لاسلمت المى
/ لا ما اصلي
هزيت راسي بقناعه ولبست جلالي
ثم صديت لها/ طيب ممكن اطلبك؟
/امري
/ سوي لقمه لجدتي من البارح ماذاقت شي
فزت بطاعه/ ابشري
طلعت وانا صليت وتسننت
ومن خلصت قريت وردي وقمت لالمى اللي انسدحت على سجادتها وتغطت بجلالها
من حست فيني بكت مسحت على يدها وحطيت راسها على رجلي
جلسنا فتره بصمت المى تبكي ثم تمسح دموعها وانا اتنهد وادعي ربي يعوضنا
دخل عزام ومن شاف ديم منسدحه انحرج وطلع
ولانها كانت معطيه الباب ظهرها مادرت ثواني وسمعت طق على الباب
عرفت انه عزام عطيت المى مخده وطلعت له كان جلالي علي
همس بصوت باكي/ ابي اشوف بيتنا
هالكلمات فجرت فيني الحنين والشوق والالم والحزن ضميته
وقلتله ينتظرني دخلت ولبست عبايتي وطرحتي وطلعت معه
سألتني ام عزيز وين بنروح ولو اني متأكده انها تعرف الاجابه
لانها من سألت قامت وجتنا
عزيز باندفاع / بيروحون للكهف؟
>> تراه متضايق ماوده نروح لان المكان خطر

حطت ام عزيز يدها على كتفي/ انا امك وبظل امك ولو ماشالكم بيتي والله مالكم مكان الا قلبي
ضميتها وجتنا ام رامي وياسين وطلعنا كلنا بخيولنا للغابه عدا ياسين جلست عند المى
وحنا من مرينا المسجد
وشافونا الشباب قرروا يخاونا
من عبد الاله ونادر واحمد وعلي حتى العمده
كانت الغابه متساويه مويه إلا جزء نشف الصباح على قول عبد الاله واحمد
لانهم هم اللي اكتشفوا حريق الغابه وانهدام الكهف بسبب الصاعقه
من بدينا نشوف الكهف من بين الشجر وانا احس بشي يجثم على صدري
فجأه وقفت وهم كملوا ومن وقف عزام يناديني انتبهوا لي رجع عبد الاله لي وانا من شفته تمنيت احضنه ودي باحد يضمني ويهديني
احس نفسي بموت لو شفت الدمار... بنهار لو لقيت محط ذكراياتي انهار وانتهى
بصوت حاني/ ديم
بكيت صوته الحنون لامس روحي هالنبره اسمعها ديم بصوت المى لما اضعف وبصوت الجده لما تواسيني بس اليوم انا مو محتاجه مواساه لان اللي فيني اكبر من الضعف نفسه ..
/ إذا ماودك تشوفينه برجعك ..بس انا من رايي لو ماتشجعتي من البدايه وهونتي على نفسك وانتي تشوفينه ماراح تجرأين تجين هنا مره ثانيه
هزيت راسي منقاده لكلامه لاني لامست الحقيقه فيه
مشينا ومن جيت جنب عزام اللي اصر ينتظرني
مد يده ومسك يدي من على اللجام وبدوري مسكته محتاجين شجاعه بعض والقوه الضعيفه تسندها الاقوى منها
وصلنا سبحان الله مابكيت ولاصرخت ولااعترضت ربي نزل على قلبي السكينه والرضا
قربت وانا اشوف نصف الكهف منردم ومن بينه غرفتنا وغرفه المى والمطبخ اما مكان الخيول والعين والمخبأ ماصرنا نشوفها ولانقدر نوصل لها والسبب ان الجزء اللي انهدم سكر الطريق لاخر الكهف
دعيت بسري ان ربي يعوضنا ويكتب لنا الخير ويدلنا عليه
وبشجاعه طلبت نروح لنهر
بس رفضوا والسبب انه تساوئ مع جزء الغابه الجنوبي
رجعنا للقريه
وهناك شفنا شباب مو من القريه ومعهم سياره اسرعوا الشباب وعرفوا ان الجد وصل
طرت لداخل البيت مدري فرح لرجعة جد المى او شوق لحبيبي
المهم من دخلت وشفت المى جالسه جنب جدها وحاضنته
وهو مستانس تنهدت براحه
سلموا الشباب والاولاد وهنوه السلامه وانا قدمت وبست راسه وجلست اسأله عن صحته
طبعا عرف بالصاعقه واضرارها من دخل القرى المجاوره
وعرف انا ماكنا فيه
جدي بابتسامه / الله يجزاها خير ام عزيز اللي خذتكم وإلا كنتوا بعالم ثاني
ابتسمت/ محد ياخذ من الحياة إلا نصيبه
استاذنت ودخلت للغرفه ومعي المى وتبعتنا ياسين
بينما امها والجده جهزوا الغداء لضيوف

۞ المى
ماتتصورون فرحتي بشوفه جدي متعافي
وراجع لي على رجلينه
ولو انه جانا بادويه كثيره إلا ان شوفته عندي غيبت عن بالي السؤال عن هالعلاجات
بس جدي اصر ماياكلهم وبيكوي عند دكتور الطب الشعبي بالقريه المجاوره لنا
المهم توني تذكرت سالفه الكهف صح مو لانه مايهمني بس جدي كان اهم بالدرجه الاولى بالذات ان ديم وعزام بخير
صديت لديم / ديوم كيف الغابه؟
بنفسيه سيئه بعض الشي/ دماااااااار تخيلي غرفتنا وغرفتكم والمطبخ اندهمت والبقيه اختفت معالمها والغابه وضعها خطير مررره
ياسين/ يمكن خيره عشان تستقرون معنا احسن من كونكم وحدكم
ديم تنهدت/ يمكن
ياسين/ بروح اجيبلك من بقيه الفطور شكلك على لحم بطنك
طلعت وتركتنا
صديت لألمى ببرأه كانت تضحك بخبث / شفتيه؟
طنشتها لاني مو رايقه
المى من جديد قالت / كان يراقبك طول الوقت واول ماوصل سال عنك كنك جدته مو ام عزيز
ابتسمت على تعليقها وصديت عنها
جلست جنبي/تدرين انه بيسافر بعد يومين
صديت بصدمه كيف يسافر وامورنا معلقه على الاقل استسمحه و يرضى عني/ من يقول؟
/هو يقول لجدي
ابتسمت/ تدرين انه زعلان مني؟؟
بجديه/ صدق
/ ايه
/ ليش؟؟
/مو انا قلتلك اشك انه السفاح
/ هههههههه وانا قلتلك مستحيل هذا مايذبح حمامه
/ المهم قاله عبد الاله
/ ومن شافني قال ماتوقعت عقلك محدود
/ خخخخخخخخخ
/ جد والله
/ طيب كيف بتراضينه؟
دخلت ياسين ومعها بريق شاهي وقرص من الطحين البر اللي تطحنه امنا من سنابل مزرعتها اللي بركن البيت
افطرت وشاركوني
ومن انتهيت قمت اتأكد عزام اكل او لا
بس الجده قالت ان الشباب وراجا والعمده راحوا للغابه
طلعت برا بشوف الجو يسمح ناخذ خيولنا نتمشى احنا البنات بالقريه
شفت حبيبي جاي من الاسطبل ومن شافني ابتسم وانا ابتسمت بفرح/ الحمد لله على السلامه
وقف قريب مني وهمس/ الله يسلمك
/......

۞ عبد الملك
شوفتها نستني همي ماودي ارجع لسعوديه وهي زعلانه مني
وكنت متأكد اني ماراح اتكلم معها لان بيت جدتي على طول مليان
بس شوفتها الحين جددت فيني الامل
/ شخبارك؟
بخجل/ الحمد لله
/ عسى ماتضايقتي يوم شفتي الكهف
هزيت راسي برضا/ الضيق بالقبر ..صح انصدمت بس هذا قضاء ربي
يمكن خيره لنا
ابتسم بخبث/ يمكن
/.....
/هههههههه ديم لو فاضيه خلينا نطلع نتمشى قريب من هنا ..بخاطري كلام ودي اقوله لك
بفرح ممزوج بخجل/ طيب دقيقه وراجعه

۞ ديم
رجعت داخل ومن شفتهم جالسين سوا تورطت انا راجعه بقول لالمى اني بطلع مع عبد الملك بس من شفتهم( ام عزيز وياسين وامها) ماعرفت شقول لقيتني اكذب/ عزام برا يبيني شوي
وطلعت كان طالع وبيده لجام خيله وباليد الثانيه لجام البرنسيسه اللي من شافتني جت لي
ركبت وهو ركب خيل جدته
كنت بسأله وين بنروح وخفت يفسر سؤالي غلط لكذا حاولت اتبعه
كنا نمشي جنب بعض
وانا من الاحراج اتصدد على اساس اشوف المطر
وشكله حس بخجلي
/ ديم
بارتباك/ نعم
/ بخاطرك شي ودك تقولينه
وبغباء قلت/ لا
ابتسم/ ولاحتى اسفه
/ اممم (بجديه) اسفه ..(صديت عنه) اللي مايعرفك يجهلك و(صديت له اطالعه ) انا معذوره كل شي قدامي اكد هالشي
/ صار خير ..واسفك قبلناه ..
/....
مر فترة صمت كنت ودي يفتح أي موضوع المهم يسولف
بس هو لزم الصمت مثلي
فجأه تذكرت سالفه سفرهم/ متى بتسافر؟
/ والله مدري ودي امدد اجازتي
/كيف يعني؟؟
/ يعني اجلس اطول وقت اقدر عليه ...(بخبث) بس انا وراي زواج واكيد بحتاج الاجازه
بصدمه/ زواج من؟ (بتكذيب) زواج عبد الاله صح؟؟
/ لا زواجي انا
سكت من الصدمه/......
/وشفيك وقفتي؟
بارتباك واضح /هاه لابس اااا احس الجو برد وودي ارجع
بجديه / ديم
طنشته ومشيت وانا ادعي مايكون ماشاف دموعي

/تتزوجيني؟؟
انلخمت من الصدمه وبغباء الدنيا ولهــــــــــفه صديت له وهزيت راسي/ ايه
من شفت فرحته وابتسامته عرفت اني جبت العيد وصديت بخجل وارتباك/ اممممم بفكر
/ههههههههههه ياحبي لك بس
صديت له افكر هذا تصريح بالحب او فرح بالزواج
لقيتني ابتسم بخجل / طيب انا راجعه
قدم إلى ان صار جنبي/ تونا بدري
/ لا بس ...
وجهت خيلي بروح مسك يدي
/ لازم نتفاهم على نقاط ..وضروري تعرفين مزاياي وعيوبي
بجديه قلت/ انا شاريه رجال ..وراضيه فيك كذا ..اللي سمعته من جدتك و عبد الاله وعزيز يكفي وعيوبك انا مااشوف فيك عيب وبالنسبه لمزاياك خلها مفاجئه اكتشفها مع الوقت ..
سحبت يدي ورجعت وروحي تسابق الخيل بالسرعه احس نفسي فووووووووووووووووووووووووووق السحاب فرحتي ماتوصف واحسااااسي غير
ربي لما هدم الكهف كانه يقول مالك حياة إلا مع هالرجال
يمكن لو الكهف ماتضرر اتعذر وافكر
ومن جا عزام ببالي جلست والخيل وقفت تلقائي كأن الطاقه منعت منها
وببرأه صديت ادور عبد الملك فيه نقطه ما اتفقنا عليها وعليها بتترتب امور كثيره من ضمنها حياتي وبالتالي مو افقتي
من شفته جاي ابتسمت
وقف قريب مني / ليش وقفتي؟
/عبد الملك عزام هو كل حياتي لو مــ
قاطعني/ واخوي بعد وماراح اخذك إلا برضاه وشرط انه يسكن معنا
بفرح/ بتبني لنا بيت
/ وليش ابني والفله وصاحب الفله تحت امرك
بخيبه امل/ وش فلته!!
/ ليش ماراح ترجعين معي لسعوديه
بصدمه/ أيـــــــــــــــــش؟؟
/ ديم وشفيك لايكون متصوره بتركك هنا او بترك شغلي واستقر معك؟
بحزن / لا بس ااااا مدري
نزلت راسي هذي مافكرت فيها مرررررررررررررررررره انا مستحيل اترك هالمكان وهو مستحيل يترك شغله واهله ووطنه
نزلت دمعتي

۞ عبد الملك
رفعت وجهها لي وابتسمت وانا اشوف دمعتها/ ليش تبين تجلسين هنا؟
/ لان حياتي هنا .. عبد الملك انا ما اعرف احد هناك .. وما اعرف اعيش بالمدينه و ...
قاطعتها/ ولو جبت جدتي وعزام معنا
رفعت راسها بشبح رضا/ يمكن مايرضون
ابتسم/ حتى ام رامي بقنعها ترجع بالذات ان رامي يقول عمانه بالسعوديه يبونهم يرجعون وعارضين عليها بيت ملك جنبهم بس هم رفضوا
ابتسمت / صدق
/ ايه وجدتي اتوقع من تشوف الوضع كذا وانتي بترجعين معي بتقتنع ترجع لديرتها واختها
/من اختها؟
/ جدتي اللي بالسعوديه
/ ليش ام عزيز مو ام امك؟
/لا اخت جدتي ونقول لها جده.. اما خوالي مالي إلا خاله وساكنه بتبوك منطقه بالسعوديه
/اها
/ مو موضوعنا المهم لو رجعوا ترجعين
بخجل / والمى؟؟
/ يالليل ..طيب بجيبها هي الثانيه وباجر لها ولجدها
بهم/ تتوقع بيوافقون؟
/ مو مهم المهم انتي شاريتني بجد
/ ايه
/ ولو رفضوا بتروحين معي
بتردد/ اوكيه بس تحاول معهم اول ....

۞ مزون
دخلت ماما علي بالغرفه وانا كنت مع ريوووف نسولف من شفتها جتني ربكه من شوي كانت عندنا ام وليد طبعا انا ماشفتها بس نهى دقت لي من شوي وقالت لي
/سلام
/هلا ماما ..امري
/ عندك خبر عن خطبه وليد ولد جارنا
ارتبكت وقررت اقول الصدق/ ايوه ..توها نهى قالت لي.
/وانتي وشرايك؟
بمكر /مدري ماما انتي وشرايك؟
/ والله مدري خليني اشوف ابوك ...(تنهدت) منى عيني تكونين لـ عبد الملك بس دامه ماتكلم بشاور ابوك واللي فيه خير يقدمه ربي
تنهدت من اعماقي حتى ماما طالعتني وبشك/ وشفيك؟
/لا ولاشي ههههههههههه بس ماودي تصرون على عبد الملك احسكم ترخصوني بالذات إن الرجال ماتكلم ..
هزت ماما راسها وطلعت
وانا خذيت الجوال ودقيت لريوووف ابشرها من الفرحه نسيت انها معي على المسن

۞ ريووف
/ههههههههههههههههههه (بهبال) مبروتس عليتس وليدان
مزون/ ههههههه الله يبارتس فيتس ..تكفين ريوف ادعي بابا يوافق
/امين
/ آآآآآآآآآآآآآآه ياقلبي ...والله ماتتخيلين فرحتي لما شفت ماما شبه مقتنعه ...الحمد لله
بحزن/ الله يجمعني بــ عبد الاله مثل ماجمعك بوليد ..قولي امين
مزون/ اميـــــــــــــــــــــــــــــن
/.....
/ريوف
/.....
/تبكين؟؟
/ تدرين مزون من عرفته وانا انام وانا اتخيله ومن تركني انام وانا ابكيه ..مدري متى برتاح
/ الله يفرج همك ياقلبي
/ اميـــن

۞ عبد الملك
رجعنا لبيت جدتي بس ديم وصلت قبلي بـ10 دقايق وتوني داخل
شفت عبد الاله مقابلني بيطلع
/ يالاخو
عبد الاله /خير
بشك/ وش فيك؟؟
باستهبال/ انبسطت يوم دخلت بيني وبين الديم ..
بصدمه/ نعـــــــــــــم
بخوف حط يدينه على وجهه يدافع بها عن نفسه/ امزززززح امــــــــــــــــــــــزح هههههههههههه
تنهدت براحه/ احسب بعد
بجديه/ وش صار؟؟
/ خطبتها.
بتعجب/ صـــدق؟
/أي والله.
/خخخخخخ والله انك حار بحار
/ شفت كيف؟
/ بس كيف راضيتها وكيف كلمتها والاهم كيف رضت تطلع معك؟
/كل هذا مايخصك..
/ الله الله انت مايخصك وهي تقول اسرار ,,,وش هاتفاهم الغريب؟؟
/ قل ماشاء الله
/ لا والله ودي اصككم بعين لانكم صرتوا احزاب علي
/ ههههههههههه ..(بفرح)مو مصدق انها وافقت
مسكني عبد الاله / تعال ندخل الغرفه ابيك بشغله
وفعلا دخلنا ماكان فيه احد البنات بغرفتهم وجدتي والعيال بغرفه المكينه
جلست على طرف سرير عبد الاله وهو جلس جنبي قلت بجديه/ هاه وش موضوعك؟
/ ابي اكلم ريوف؟
/من جدك انت؟
تنهد /تكفى مليك مالي غيرك دبرني
/طيب ليه ماتخيلي جدتي او عزيز يكلمها يعني انت شوي صعبه خاف يصير للبنت شي
/ لا انا ابي اكلمها او تكلمها ديم
/وديم موافقه؟
/ مدري بقولها
/....امممم والله مدري
/آآآآآآآآآآآآه احس اني تعبت خاطري اكلمها وقولها عن اللي بقلبي واني مانسيتها لحظه
/ اوووف اوووف كل هذا ..(بسخريه) اخبرك بترخصها
/ تحلم ارخصها
/ههههههه
/طيب خلنا نطلع وانشوف ديم بترضى تكلمها
بفرح/ يالله
طلعوا كان عزيز جاي من المطبخ ومعه عزام لابس وزره
لان الجده تفصل له ثوب وملابس داخليه
نادى عزام وقال ينادي له ديم
وفعلا طلعت عند الغرفه وصدت تدورهم
نادى لها عبد الاله كان جالس على اخر درجتين من درج السطح اللي بركن بعيد بالبيت و عبد الملك واقف ومتسند على الجدار عنده
قربت بخجل/ نعم
اشر عبد الاله جنبه وترك لها مكان جلست و عبد الملك مستغرب من تفاهمهم
عبد الاله / شوفي ياوخيتي قررنا نكلم ريوف
بس ابيك تكلمينها انتي وبحط مايك
بإحراج/ ايه بس انا ما عرفها وش اقول لها؟
/ انا بساعدك بس انتي سوي نفسك غلطانه ودردشي معها شوي
/ طيب
دق وحطه مايك ردت الشغاله و عبد الاله قال لديم تطلب ريوف
وفعلا جت/ هلا
/ هلا بك
/ اممم من ؟؟
ديم تطالع عبد الاله تبيه يقولها وش تقول بس هو سكت حب يورطها
بارتباك/ احم احم كيف الحال؟
/ بخير ..من معي؟
باندفاع/ انتي ريوف؟
عبد الاله ضربها على رجلها بقوه وديم ابتسمت بعد ماردت له الحركه/....
ريوف/ الوو
ديم/ ههههه هلا معك كيف الاهل؟
/ ماعليش من انتي؟
/ طيب لحظه
بقهر طالعت عبد الاله / انت مو قلت كلميها؟
/ايه
/خلاص مالك دخل
انصدم وسكت
وديم قامت وراحت عنهم
و عبد الملك مات ضحك
عبد الاله بقهر همس / ديمووووه وجع
صدت واشرت له يعني شوي
/ ايوه هلا ريوف
/ من؟؟ ترا والله بسكر ..
/ انا .... ديم.
/ ديم من ؟؟سوري بس ما اعرف احد بهالاسم
/ لا عادي انا ..
قاطعتها عبد الاله وسكر الخط
شهقت بقهر/ ليه؟؟
بقهر/ ناقص تقولين من طرف عبد الاله
تقهره/ عادي مو انت تبيها تدري
جاهم عبد الملك وهو يضحك/ الله يحط حيلكم بينكم
دفه عبد الاله بقهر وحط جواله بجيب بنطلونه وطلع وهو منقهر من ديم
صدت لــ عبد الملك / شكله زعل.
/ لا مازعل بس انقهر ...شوي وبيرجع اخوي قلبه قلب طير

۞ المى
طلعت من الغرفه وشفت ديم مع عبد الملك
قربت منهم/ وش عندكم؟؟
عبد الملك / لا بس عبد الاله بغاها بخدمه وردته
المى باستهبال/ اها
ابتسمت ديم /كنك مو مصدقه..
/ لا عادي ...المهم انا بروح لبيت ياسين جدي بيرجع ينام عندهم مثل اول
عبد الملك / وليش ماينام هنا؟
/ مدري بس هو متعود على رامي ..وانتوا ماقصرتوا معنا الله يجزاكم خير
عبد الملك لقاها فرصه / اقول المى لو رجعوا اهل القريه لسعوديه بترجعين معهم لديرتك
ضحكت وقالت بمرح/ مع الخيل ياشقراء وش بيجلسني
صد لديم وديم تنهدت/ يقصد لو رجعت ام عزيز مع عيالها وام رامي وعيالها
/ مدري انتي كيف عليك؟
/ افكر ارجع
ديم بحيره/ بس حنا مالنا احد هناك
عبد الملك / من قال مالكم احد؟ حنا وين رحنا جدتي وين راحت
المى بتفهم/جدتك عندها اهلها واحفادها بس حنا تقريباً مقطوعين من شجره
عبد الملك جابها على بلاطه/ ولو خطبت ديم ورجعت معي واكيد بتاخذ اخوها ...وش رايك؟
طالعت ديم بدهشه/ صدق ديم؟
ديم/ ماصار شي بس حنا نقول لو عبد الملك يقول اهل ابو رامي الله يرحمه يبون عيالهم عندهم وام عزيز بترجع مع الاولاد
المى بجديه / انا ببقى هنا وبموت هنا واندفن هنا ..عمر السعوديه ماكانت ديرتي هالارض هي ديرتي وعشت على خيرها وتربيت فيها وقبلي اهلي تربوا هنا وماتوا هنا واندفنوا هنا
ديم بصدمه/ تتكلمين جد؟
هزت راسها بتأكيد/ ايه ولعلمك ام رامي قالتلي من قبل عن سالفه رجعتهم بس عيالها هم اللي رفضوا يتركون المكان هذا غير العمده واحمد وعلي
برجاء/ طيب وانا؟
/ ديم انتي من كلامك بتتزوجين وبتكونين ببيت زوجك ويمكن تتقبلين الحياه هناك ...بس انا غير انا برا هالمكان اموت ..إذا خاطرك تروحين روحي وانتي مطمنه اني بكون بخير ام ياسين والله اني اعدها ام بالذات ان جدي يرتاح لهم وياسين صارت اكثر لي من اخت ....
شفت دموع ديم وضميتها / الديم ببقى على خبرك وماراح انساك وصدقيني بدعي لك بكل صلاه ...إذا انتي تشوفين نفسك راضيه عن هالزيجه سافري انا بخير وبعيش العمر اللي ربه كاتبه لي وانا راضيه عنك
بست راسها وتركتها طالعه لبيت ام رامي هناك كانت ياسين تنتظرني ...

۞ عبد الملك
كان نفسي اضمها واواسيها بس شكلها تبي تجلس لحالها
رحت وهي جلست على الدرج تفكر بصمت
قابلت عبد الاله داخل
بس ماكلمته

۞ عبد الاله
دخلت وشفتها سرحانه قررت اهبل بها شوي
بس من قربت شفت دموعها
جلست قريب منها/ الديم وش فيك؟
مسحت دموعها/ لا ولاشي
بجديه/ وش صاير؟
/ ...
/عبد الملك مزعلك؟
/ لا بس المى...... متضايقه عشانها
سكت وانا مو فاهم شي
ديم بمرح/ تعال انت إللي زعلان
/ لا والله بس قهرتوني مليك يضحك وانتي مستهبله على الاخر
/هههههههههههه
/بجد وشفيك؟
/ لابس انا شارطه على اخوك عشان ارجع لسعوديه تكون المى معي بس المى رفضت رفض نهائي بس ....و( بكت) ماني متعوده اكون بلاها
/...... عادي دام هي بتكون بخير ومرتاحه لاتجبرينها ..بعدين الدنيا تطورت الحين اجهزه كثيره تجيبها صوت وصوره من أي مكان بالعالم
بدهشه/ والصوره بعد؟؟
/ايه بوريك لاب توب مليك معه يتابع عليه شغله هنا وعزيز يكلم ربعه منه
صدت بضيق/ مدري بس ماتخيل اكون بمكان المى مو معي
/.....
/.............
/المهم انا جاي بنكلم ريوف ثانيه ورجاءاً بلا استهبال
/ههههههههههههه طيب بس انا ما اعرف اقصد مدري وش اقول لها وكثير كلام ماافهمه
ابتسم/خليه على المايك وبفهمك
ابتسمت بحماس/طيب
باندفاع/ بسرعه قبل لايجي مليك يحوسنا
دقوا من جديد على الثابت وردت ام ريوف وسكروا لان ماعندهم كاشف
انتظروا دقايق ودقوا وردت ثانيه
ديم/ شكلها بتاقف لنا
عبد الاله /هههههههههههههههه مشكله والله
دخل عبد الملك ومن شافها تضحك تنهد برتياح تنهيده مافاتت ديم
اللي حست بسعاده انه يشيل همها ويفرح لها وهذا آآآآآآآآآآآآآآخر ماتتمناه
جوهم عزام وعزيز من غرفه الجده كل واحد بثوب طويل
ديم ضحكت
و عبد الاله صفر باعجاب/ والله جدتي مهيب سهله يبيلي افصل عندها
اما عبد الملك ابتسم بدون تعليق
جلس عزام جنب ديم/ تراي ماحبيته ولاكنت بلبسه بس قلت يمكن تزعل ام عزيز
عبد الاله / لا حلو انك تحس
ضحكت ديم/ بس حلو عليك مطلعك طويل بزياده
عبد الملك / ووسيم بعد
ديم بمرح/ لا عاد الوسامه اخوي بسم الله عليه وسيم خلقه
عبد الاله/ اتعب انا على الثقه
طلعت الجده ومن شافتهم متجمعين قالت وهي عند بابها بعيد عنهم/ بسم الله عليكم ليه مانمتوا ...
وقفت ديم وراحت لها مسكت يدها ودخلت معها للغرفه توها بتجلس دقوا الباب الاولاد
الجده/ خير
عبد الاله/ ممكن نجلس عندكم شوي برا برد
الجده/ وغرفكم؟؟
عزيز/ طيب تعالوا انتوا عندنا
ديم بمرح فتحت الباب/ ادخلوا واخر مره تفكرون ندخلكم
توهم بيدخلون قالت الجده/ لاتدخلينهم قوليلهم ينامون احسن الفجر يبون ساعه لين يقومون لصلاه
ديم/ هههههههههههههههه يالله برا برا سوري خلصت العزيمه
ضحك عبد الاله / ليه ياجده
عزام/ ترانا قلنا بنسولف معكم مو بننام عندكم عشان تطلعونا
ديم /جده خليهم يدخلون
الجده / تبينهم روحي معهم بس انا بنام اطلعوا وسكروا الباب
عزيز+عبد الاله +عزام+عبد الملك /هههههههههههههههههههههههههههههههههههههههههه
انقهرت وسكرت الباب بوجههم
ودخلت /افا يمه تضحكينهم علي
ابتسمت الجده وجلست/ الديم
باهتمام/ لبيه
/ انتي تبين عبد الملك اكيد
باحراج/هاه
/ يابنتي تراي فاهمته وحافظته واعرف وراه كل اجازه طامر عندي مهوب حباً لي
/....
/ والله اني من عرفت من عبد الاله واني مو مصدقه وادعي ان ربي يكتبكم من نصيب بعض

۞ ريوف
صليت العصر ونزلت لصاله عند ماما
دق الثابت وانا كنت عنده وتركته لين انقطع
ودق ثانيه
سمعت ماما من المطبخ تقول للخادمه ترد
ومن جتني قلتلها تفصله لان هالفتره يجينا ازعااااااااج مو صاحي ابد
المهم راحت وانا جلست افكر من هي ديم اللي دقت امس
ووش سالفتها ولاهم ليش سكرت الخط فجأه
دق جوالي كانت مزون /ههههههههههههه هلا قلبي
/ وجع وجع وجع
/ههههههههههههه انتي اللي تدقين على الثابت؟
/ لاجدتي
/ لابس ازعجيني وفصلته
بقهر/ جعل تفصل اذانك ..المهم احم احم هههه الناس عند بابا
بدهشه/ من؟
/ هو وش فيك انتي !! وليد وابوه.
/ اها وابوك وش قال؟؟
/ مدري بس فهمت من ماما ان ماعنده مانع
بفررررح/ حلو
تنهدت/ أي والله ...بس انا خايفه
/ ليه بعد؟؟
/ شوفي حدنا ماملكنا بيظل هالخوووف فيني
/ صادقه ....

۞ المــــى
طول ليلي البارح وانا اتخيل هالمكان بدون ديم
مررره ابكي ومررره ادعي لها تزوج عبد الملك وتسافر وتعيش حياتها
بس مو هاينه علي
حتى ياسين قلتلها السالفه وهي قالت ما اضيق عليها واشاركها فرحتها
تنهدت وطلعت لبيت ام عزيز على خيلي
هناك لقيت عزام وناداها لي
وطلعنا نتمشى قريب
وقلتلها ان فرحتها من فرحتي وشجعتها تسافر وانا قلبي ينزف
رجعنا قبل المغرب بساعه
ودخلت بيت ياسين
وجلست ابكي فيني ضيقه مو طبيعيه .....

۞ ديم
رجعت وانا احس بضيق صح المى حاولت توصل لي فكرة انها راضيه اني اسافر دامني بكون مع الناس اللي احبهم
بس مانجحت في توصيل فكره انها سعيده لهالقرار
جلست بالغرفه سرحانه ومن اذن صليت المغرب
وطلعت للمطبخ كان بالثلاجه لحم غزال طلعت اسأل امي إذا اطبخه وقالت
ايه بكره يجي ويجيب رزقه معه
وفعلا طبخت وفي ما انا اشتغل دخل عبد الملك صديت له وهو ابتسم شرب مويه وقرب لي وهمس
/بكلم جدتي تخطبك لي رسمي
بصراحه فاجئني كلامه صح انا موافقه بس احسني لسى ماصرت باتم الرضا عن قراري
مارديت عليه وطلع

۞ عبد الاله
دخلت البيت كانت ديم جالسه على الدرج وسرحانه
جلست عندها/ وشفيك؟
صدت لي وابتسمت/ ولاشي
حبيت اطلعها من جوها/ وشرايك ندق لريوف؟
ابتسمت ودقيت كذا مره بس محد يشيل التليفون
انقهرت ودقيت لبيت جدتي حطيت مايك وكلمتها وبطريق غير مباشر عرفت ان ريوف عندها
سكرت وصديت لديم/ خساره
جو عزيز وعزام اللي من العصر ماشفناهم معهم 3 ارانب
ديم/ من وين؟
عزيز/ طلعنا نتصيد ورزقنا الله
ديم بجديه/ بجد من وين؟
ضحك عزام/ لا من احمد وعلي
تنهدت براحه وصديت لـ عبد الاله / بكره بروح للغابه
عبد الاله بدهشه/ ليش؟؟
/ ابي اشوف النهر ونتصيد ونجيب فواكه وبالمرررره نغير جو
عزيز/ قدام انا بعد بروح
عزام/ وانا بعد
ديم تطالع عبد الاله / وانت؟
ابتسم/ قدام بس يروحون معنا جدتي ومليك
بتفكير/ اوكيه ..وبشوف المى وياسين إذا بيجون
قمت للغرفه عند ام عزيز
والاولاد طلعوا مع عبد الاله
تذكرت عرض عبد الملك وتراجعت ادخل عند ام عزيز مدري منحرجه او اتهرب
دخلت الغرفه حقت النوم وجبت مصحفي وجلست اقرأ ......

۞ عبد الملك
مدري ليش حسيتها متضايقه وحماسها تبخر من رفضت المى ترجع لسعوديه
تنهدت وقمت من السرير وطلعت مالقيت احد موجود سمعت صوت مكينه جدتي وترتيل ديم
تنهدت وجلست اسمعها إلا بدخله عبد الاله ومن شافني ضحك
/ منقهر مررره ريوف عند جدتي واخاف تنام هناك.
انا بطفش/ وإذا ؟؟
/ ودي اسمع صوتها بس ببيتنا مستحيل ادق خاف تشوف الكاشف
/اها
دخل للغرفه وانا خذيت لاب توبي وطلعت لسطح شبكت وشفت موقع المستشفى وسولفت شوي مع ربعي
كنت بمدد الاجازه وتراجعت
بكره لازم ارجع ..

بعد صلاه العشاء سهروا الشباب برا
وانا جلست بالغرفه ودي انام من الضيقه اللي فيني
طلعت شفت عبد الاله واقف عند باب غرفه ديم ويدق من جواله وباين عليه طفشان رحت له/ خير يالاخو
ابتسم/ ادق لريوف على بيتهم بس الظاهر محد فيه
جلس على عتبه الباب وجلست جنبه
عاود الاتصال وفجأه حط التليفون على اذن ديم
شفتها ابتسمت / هلا ريوف

۞ ديم
ابتسمت / هلا ريوف
ريوف/ هلا من ؟؟
/ انا ديم
/بلا استهبال ديم من؟
ابتسم عبد الاله / انا من طرف جدتك ام عزيز
بفرح/ من الهند؟؟
ابتسمت/ ايه
/ هلا وغلا وش حذفك علينا؟؟
ابتسم عبد الاله وديم مافهمت /هلا!!
/ لا اقول وش اخبارك؟
/ اها ..بس تراي مفهم نصف كلامكم
/ انتي اخت عزام؟
/ ايه وش عرفك؟
/ ابد ولد خالي ماله سيره إلا ديم وعزام وديم وعزام
/ هههههههه الله يرفع قدره
/ هذا جوالك؟
/ لا جوال عبد الاله.
دفها عبد الاله بقوه وانتبهت لغلطتها/ اااااا اقصد جوال ...
تقاطعها/ ممكن اكلمه
/.....
/ ممكن؟
بغباء/ من؟؟
/ عبد الاله
صدت له باحراج اشوف رده فعله وقلت لريوف بارتباك/ لا انا اقصد اااا جوال اخوه
برجاء / ديم بحق هالتعارف قوليلي الصدق هو عندكم؟
شافت عبد الاله ماعلق وقالت بهدؤ / بصراحه ايه
بصدمه/ عنــــــــدكم!!!!!
ديم من سمعتها تبكي خافت وصدت لـ عبد الاله وهمست/ وش اقول

۞ عبد الاله
خذا الجوال وهو حس قلبه يتقطع وهي تبكيه شال المايك وهمس /ريوف
/...
/قلبي
بصوت مخنوق/ توك تذكرت ريوف
صد عن ديم وهو يسمع بكي ريوف ...طلع الدرج وهو يهمس لها/ مانسيتك لحظه ..والله انك كنتي لي الهوى اللي اتنفسه ..بعدي عنك علمني كبر قدرك بقلبي .. مسحي دموعك ياعمري والله مااستحمل صوتك كذا
تشهق / والله مو مصدقه انك تكلمني ..
تنهد/ والله اني كل يومين 3 ادق ومن اسمع صوتك احس بغصه بقلبي اني اسمعك ولا اقدر اخذ واعطي معك ..
/ وش خليت لي اقوله.
ابتسم/ قولي وحشتني
/ وحشتني وحشتني وحشتني وذبحتني وقتلت الصبر فيني
/....
/عبد الاله
/لبيه
/ .....
/ امري
/ لا بس كنت ابيك ترد لي الصوت
/ فديتك والله.
/ ....
/.....
/.....
/ ....
/.....
/.....
/ ....
/.....
/.....

مرت دقايق بصمت كل واحد يفكر فيها عبد الاله يطالع القمر ويتخيلها ودموعها على خدها وهي تتخيله قدامها
انتبه على نفسه وهو يسمع ضحك عبد الملك وديم تحت ...
طل عليهم كان عبد الملك ماسك يد ديم ويسولف وهي منحرجه وصاده
/ ياولد خربت البنت
رفعوا روسهم لي وغمزت لهم

۞ ديم
/ تتوقع رضوا؟
/هم مازعلوا اصلا بس الظروف فرقتهم
/ اها
/ هاه اكلم جدتي؟
صدت بخجل/ انا بروح
/هههههههههه
باس يدها وهي سحبتها بسرعه
بجديه/ ادري ماتعودتي على كذا بس تبين ما اعيدها وافقي اخطبك من جدتي
صدت له وابتسمت/ اخطبني من عم راجا ..تراه المسؤول عنا بعد الله
بفرح/ طيران
مسكت يده/ بس مو الحين ..
بخيبه امل/ اجل متى؟
/ يوم يوافقون نرجع لسعوديه كلنا
مسك يدها وقرب منها بجديه/ ديم صح انا وعدتك احاول فيهم بس لو رفضوا موضوعنا منتهي ماله علاقه صح..
هزت راسها برضى قدم بيبوسها دفته من صدره وضحك/ ترا عبد الاله صادق حنا ماضرينا على خير ماعندنا بالبيت بنات
ابتسمت وراحت
وهو طلع لـ عبد الاله فوق بينكد عليه ...

۞ ريوف
تبكي من الفرحه ...مو مصدقه انه معها
/دريتي ان عبد الملك يبي ديم؟
بفرح/ صدق.. وش راي امي منيره؟
/يقول انه من قبل لمح لها وانها فهمت عليه بس تستهبل
/اها
/واخبارك بعد
/ اممممم مزون انخطبت
بفرح/ والله
/أي والله
/لمن؟
/تعرف وليد جارهم؟
/ايه ايه اعرفه وش قالت جدتي
/مدري بس تو السالفه صايره مالها 3 ايام ومزون تقول ابوها مابعد قرر قرار نهائي
/الله يوفقها معه
/تتوقع بيستاذن ابوها عبد الملك
/والله مدري بس إن شاء الله مايسويها
/حتى انا اقول مزون ماتبي اخوك بعد
بسخريه /وليش إن شاء الله
/ههههه لا مو قصدي كذا بس هي متعقده من امي نورهتقول ليه تغصب الرجال علي وهو مايبيني
/اها والله مدري ...حبيبي
/لبيه
/مابي احد يعرف إني كلمتك بالمررره
/اكيد
/وليه اكيد
/لانهم كلهم مخبين عني مكانك حتى امي نورهتقول مااملك له إلا الدعاء ..ماتتخيل وشلون كانت حياتي من بعدك
تنهد /لاتحطين بخاطرك بكره تتعدل الظروف
/ يارب ...هاه كيف نفسيتك؟
/عاااااال العال ..مو ناقصني إلا انتي
/ ايه هين فكرت فيني بين البنات
/ههههههههههه والله انك بكفه وباقي الخلق بكفه
بمزح / وديم؟
/ لاهذي حكايه ثانيه طلعت اختنا ؟؟
بدهشه/ كيف؟
/ لابس جدتي تقول مالها احد كبير ومتبنيتها ههههه وان احنا بمثابه اخوانها لان مالنا خوات فهمتي
/اها
/يمكن جدتك تعرف بحب عبد الملك عشان كذا قالت لكم اخوان عشان تفهمون بعض
بشك/ يمكن ترا جدتي فطينه
/هههههههههههههه
/ أي والله ....حبي كلمي ابوك وتعالي هنا.
/ لا صعبه
/ ليه؟؟
/مستحيل ماما توافق؟؟
/ تراك بتكونين عند خالتها
/ ولو
/ بكيفك ...بس بيفوتك نصف عمرك الجو والطبيعه والمطر والوجه الحسن
/ههههه ديم حلوه
بمزح/ احلى منك
/لاعاد
/قسم بالله بس انتي ابيض واقرب للقلب
/هههههه لا حلو
/ عيونها هي وخوها كحيله وشعورهم سودا كثيفه
/وش بقى ماقزيت
/ تراها ماكانت تغطى منا اول ماجينا بس ولد خالك عدلها
/مليك!!
/ ههههه ايه
/....
/....
/......
/.....
/ليش ساكته؟
/ تكفى لاتقطع
تنهد/ انا ماصدقت اسمع صوتك وترضين عني تبيني اقطع
/الله لايحرمني منك
/ولامنك يااغلى البنات
/ عبد الاله لو تفرقنا هالمره امووووووت على طول
/بسم الله عليك يومي قبل يومك ...تعالي شخبار جدتي
/ طيبه ليه؟
/ لابس لاكلمناها ماترضى نطول ولو كملنا 5 دقايق معها واجد
/ هههههههههههه هي كذا ماتحب تكلف على احد
/ ياحبيلها ..اخبر عبد الملك بيكلمها بكره عن ديم
/ لا زين علمتني خلني اروح لها احضر الزفه
/ههههههههه لا ما اظن تزف مليك هذا حبيب القلب
/ صادق
شاف عبد الملك راقي له وابتسم/ اقول حبي
/ لبيه
/ الجو غيم
/ عندكم مطر !!
/ وش مطره قولي فيضان اقول يمكن الله لايورينا قوته تخيلي فاض النهر وتعادل مع الغابه
بخوووف/ يمه
/ المهم اكلمك بكره الصباح
/اوكيه
/طيب عطيني رقم جوالك
/ اممممم طيب 055000000
حبيبي انتبه لنفسك

سكر وضحك/ خير يالاخو؟
عبد الملك / لابس كيف قلبت راسها من مكالمه وانا اقول يبي سنه ليما ترضى عليه
/ تراي عبد الاله والاجر على الله
/هههههههههههه والله انك ذيب
/....
/وش ابشرك به؟
/خير
/مزون بنت عمتي انخطبت.
بفرح/ امانه
/ أي والله تقوله ريوف
/ الله يوفقها
/امين ..تتوقع يكلمك رجل عمتي يشاورك؟
/ مدري ..بس انا مابحاتي كلمته عنها ..يمكن إذا بيكلم يكلم جدتي ..
/ صادق

صبــــــــــــــــــــــــــــــــــــــــاح جديد
۞ ام عبد الله
افطرت وطلعت للحديقه على الفراش اللي فرشته شغالتها برا
والشغاله تسقي الزرع
جتها ام مزون/ سلام يمه.
بفرح/ هلا وغلا وعليكم السلام عليكم ورحمة الله وبركاته سلمت وجلست / هذا ابو بندر جاي بيسلم عليك
/ يالله حيه خليه يقلط
ام مزون/ادخل يابو بندر
/لا إله إلا الله ...سلام عليكم
وقفت الجده/ ياهلا بالغالي وعليكم السلام والرحمه
باس راسها/ وشلونك ياعمه؟
/ بخير جعلك بخير اجلس الله يحييك
جلسوا وجابت الشغاله القهوه
وصبتها ام مزون
ابو بندر/ ياعمه انا جايك اشاورك
/ ابشر بسعدك
/ انا جوني خطابه ورجال ماينعاب وابي رايك ان كان احد عيالك يبي مزون ولا قربت الرجال
/ والله ياولدي مدري
/ انتي شاوري وردي لي
/ ماعليه ..بس منهو ولده
/ وليد بن .....
/ايه والله انهم عيال حلال وامهم طيبه وحبيبه
/ يالله اجل انا استاذن
طلع وصدت الجده لبنتها/ الله واكبر ياساره بنتك تنخطب وانا مدري
ام مزون/ ترا ابوها قايل لاتقولين لحد وإلا والله اني كنت بقولك واقول لمها
/ الله يكتب لها إللي فيه الخير
/ امين ..ولو اني ماتمنيت لها إلا عبد الملك ولد اخوي
/ عبد الملك عنده اللي شاغله ..وإلا وش بيوديه للهند
/ بس حنا مو متأكدين ..وخالتي بعد يوم قالت لاتظغطون عليه مرته عندي كنا نحسبها تمزح
/ انا قلت قدام رجلتس بشاور وإلا انا مانويت بس مابغيت اقوله مايبونها بوجهه
/ صادقه
/وليد رجال وامه مره طيبه وإن كان لها خيره معه عسى ربي يجمعها به
/ امين
مر وقت وهم يسولفون
ليما جت الشغاله بالجوال/ ماما بابا يكلم انتي
خذته / الذيب عند طاريه
عبد الملك /هههههههههههه ياحبي لتس بس
/ وشلونكم؟
/ بخير يمال الخير ..وشلونتس انتي؟
/ الحمد لله ووشلون اخيتي؟
/ كلنا بخير واخيتس تبيتس لحظه
.../...الو
/ هلا بام عزيز
/ هلا بالغاليه طمنيني عنك؟
/بخير جعلك الخير ..انتي اللي وشلونتس وشلون اعيالي
/ كلهم بخير ...جايه لتس بطلب عاد لاترديني
/ههههه مابعد رديتس مير امري ..
/ بغيت اخطب لـ عبد الملك ..
/ من وين؟؟
/ من عندنا
/ والله ياوخيتس مهوب طايع فيه وحده شاغلته وانا لي سنه ازن على راسه مير ماعليه مني
/ انتي بس قولي تم والباقي خليه علي
/ماطلبتي سوي اللي تبين ولدك مثل ماهو ولدي ..آآآآآآه البنت إللي ابيها له نخطبت ..
بفرح/ اجل بملكه مره وحده ..
/ ولدك وانا اختك بس لاوصيك على البنت يهمني دينها وصلاحها
/ اجل مبروك
/ بس هاه عاد العرس عندي

۞ عبد الملك
كنت جالس مع جدتي واسمع الحوار ومن سكرت جدتي تنهدت براحه وحضنتها / قولي امين عسى جنات الفردوس مقرتس مع والديتس ووالديهم
/ ههههههههههههههه امين
بفرح/ هاه متى نملك؟؟
/ ههههه وراك صاير مخفه ..بشاور البنت بعدين نكلم جد المى ..
باندفاع/ ديم موافقه
/ يابوك لاتطير ..انت علمتها انها بترجع معك ووافقت؟
/ ايه
/ وتدري عن شغلك؟
/ امممممم لا ماقلتلها مو مهم المهم ترجع وهناك بتعرف كل شي
/ لا تقولها عن شغلك واهلك ووين بتسكن ...وقتها لاقالت لك موافقه ..نروح نخطب
باحباط/ جده لاتعقدين الامور
/ هذا زواج يابوي مو لعب يومين وتردها
/طيب كيف الحين
/ الحين بناديها وإذا جت قلها وبنشوف رايها
تنهد/ طيب
بصوت عالي / ديــــم ....ديـــــــــــــــــــــــم

۞ ديم
طويت سجادتي بعد ماصليت واستخرت ربي كم مررره صح احس براحه بس للحين متردده الله يكتب لنا اللي فيه الخير
طلعت لام عزيز اتوقع المى عندها بس شفتها مع اول انسان يدق ابواب قلبي
ابتسمت وجلست جنبها/ سمي يمه
/ سم الله عدوك عبد الملك يبي يقولك عن شغله وشوي كلام يخصكم
قامت وانا انحرجت صح انها مو اول مرررره اجلس معه بس ارتبكت
يمكن لان ام عزيز تدري وش بيقول لي
من دخلت غرفه الخياطه صديت له كان مزاجه مو اوكيه
/ خير عبد الملك ؟
/ ابد جدتي كلمت اهلي ووافقوا
بدهشه/ وهذا اللي مزعلك
/ لا بس شرطت ماتكلم جدك قبل ما اقولك عن شغلي و ....
/ ليش وش تشتغل؟؟؟
/ دكتور جراحه
/ عبد الملك تأكد الشغل مايهمني قد مايكون شريف ونظيف
/ حلو اجل متفقين؟؟
/ ايوه ... بس جدتي قالت فيه اشياء ثانيه!!
/ فيه بس اشياء ثانويه لاحقه تعرفينهم
/مثل؟؟
/ السكن
بعدم اهتمام/ طيب كيف بتخطبوني اقصد كيف الوضع
/ شوفي انا بروح للمطار العصر عشان كذا لازم املك الحين
وبجلس اسبوعين بالسعوديه ارتب بيتنا ثم اجي مع جدتي وعماتي لو وافقوا ونسوي حفله واخذك ونطير
/ بس انا ملابسي ماتشرف وو(باحراج) ومدري احس شكلي مو شكل عاروسه
ابتسم/ انا راضي بك كذا وحبيتك كذا
بضيــق/ مدري
مسك يدها لانه حس انها تشوف نفسها عنده تحت الصفر/ قلبي إذا على الزين انتي احلى ماشافت عيني
/ والمظهر ...
بست يدها/ ولو تلبسين خيشه تطلعين قمر ,,انتي اللي تحلين اللبس مو هو اللي يحليك
قامت بصمت
ووقف ومسكها / الديم
سحبها له وهي لازالت معطيته ظهرها
ومن واجهته وشاف دموعها ضمها غصب عنها وهي بدورها بكت على صدره ....

۞ المى
/ الووووووولوش مبروك يمه
ام عزيز/ الله يبارك فيك ..ومبروك لكم كلكم
أم رامي/ وهي وينها
ياسين بمرح/ يمكن مستحيه
الكل / ههههههههههههههه
راجا/ انا بروح لها ابي اكلمها
قاموا كلهم لبيت ام عزيز ومن دخلوا انصــدمـــــــــــــــــــوا ....

۞ عبد الاله
كنت مع الشباب في ظلال المسجد نسولف
ومن شفت راجا والحريم دخلوا البيت خفت ديم تعبانه او شي صاير رحت وراهم
ومن دخلت كانت ديم تبكي والباقي يضحكون
وعم راجا جلس بتعب واشر لديم تجلس جنبه
عبد الاله / وشفيكم؟
الجده بفرح/ بارك لخوك خطبنا له بنت الدلال
ضحك عبد الاله بفرح/ والله
جدته بابتسامه/ ايه الدور عليك
بقناعه/ قريب إن شاء الله ..بس وينه مليك؟
الجده/ مدري عنه
راح ركض لغرفتهم شاف اخوه منسدح على ظهره ويده تحت راسه وسرحان طب جنبه وحضنه /مبروووووك يالدب سبقتني
فز بفرح/ ههه الله يبارك فيك ...من هنا؟؟
/ ابد عم راجا واهل رامي والمى والديم تبكي
/ آآآآآآآآآآآآآآآآه
/ وش فيك بعد؟
/مدري كيف الايام اللي جايه بتكون
بخوف/ ليه؟
/ مدري ديم كيف بتأقلم على جونا
/ ياخي هبلتني ...هونها بس وتهون
/ الله يكتب اللي فيه الخير

۞ عبد الملك
شفت الساعه كانت 10 ونصف
قررت اطلع اسلم على الشباب وبمر القناصه
اودعهم مع اني تمنيت اكون معهم الفتره الاخيره بس انشغلت
شفت امي بالجلسه اللي بوسط البيت وعندها ام رامي
سلمت وطلعت لشباب وانا اتخيل حبي تبكي مع البنات داخل
انا اعرف صعب اتخاذ القرار بامر حاسم ونهائي
اعجبني فيها ثقتها وثباتها على كلمتها وتضحيتها إللي ادعي من ربي اكون استاهلها ...

۞ المى
بصراحه الغابه شبه منقلبه بعد المطر والصاعقه
كل شي تغير عن مكانه حتى النهر تجاوز حدوده
طبعا انا هنا معي ديم
اصريت نطلع نفرفش شوي
لاني حسيت نفسيتها زفت مررررره
ما انكر إن شوفة الكهف لكلتينا كان دمار نفسي
بكينا الايام والسنين اللي حضنى فيها هالكهف
وبعدها جينا هنا للنهر
/ اقول ديوم
/ هلا
/ نروح نصيد
/ لا مالي خلق ودي نرجع
بمرح/ خايفه يملكك العمده وانتي مو فيه
ضحكت بدون نفس/ لا مو كذا بس احس بصداع البارح مانمت
/ بكيفك
رجعنا ومرينا من البير كانت ياسين مع نادر عنده
ابتسمت/ اقول ديم
/هلا
/الظاهر العمده بيعقد قران ناس معكم
صدت لي مو فاهمه واشرت للبير
وابتسمت/ يحبون بعض!!
/ اسكتي بس الحب كلمه تافهه قدام مشاعرهم
/.....
ماعلقت ديم ودخلنا البيت
تركتها ورحت لجدي بشوف وش بيسون بسالفه ديم

۞ ديم
دخلت محد كان فيه فرشت سجادتي وصليت وجلست اقراء قران
دخل عزام ومن سكرت المصحف باسني
وجلس قدامي على السجاده
/ فرحاااان ديوم
/....
/ اخيرا بنغير المكان انا اصلا ما احبه ...عزيز من زمان وراني صور له ولجدته واخوانه
باماكن روعه مثل بيت ام عزيز بس احلى
غرفته رووووعه وش سريرنا عندهم حتى الفراش من الصوره مايتقارن مع لبسنا خلي فراشنا
وإلا المطبخ تخيلي ياكلون بملاعق
وكل يوم في الصباح والعصر يتقهون ويشربون شاهي
ومايتعشون إلا اخر الليل
وفطورهم يالله والله عزيز يقول اشياء كثيره بس مذكر منهم إلا البيض .....................................
مسحت على راسه انا امس بالليل قلتله مو معقوله اخوي ويعرف من الناس تصدقون مسك يدي وقال طالبك وافقي
حسبته يمزح بس طلع مثلي مغرم بالعالم الخارجي شغوف بالعولمه
مع اني مو مثله عارفه كثير إلا إني من عرفت نفسي وانا احلم بالمدينه
نفسي البس ملابس حلوه واكل اكل مرتب ويكون لنا بيت وادخل عزام مدرسه
نفسي باشياء كثيره بس لما اتذكر المقابل اترك هالمكان ارفض نهائياً واتراجع عن حلمي
بس اليوم مو انا بس اللي ابي هالحلم يتحقق حتى عزام يبي يدرس عزيز مكلمه عن اشياء كثيره من العاب اكترونيه لمدارس لسيارات لحدائق وعن انواع الاكل وكيف الحياه هناك
كان متحمس اكثر مني للفكره يمكن هو السبب الثاني بعد حبي لـ عبد الملك اللي محمسني
ما انكر دور المى وياسين باقناعي واني لو مااستغليت الفرصه بندم طول عمري ..وقالوا لو وحده منهم مكاني مافكرت لحظه تتردد عشان الحياه التافهه هنا
كل هذا شجعني وزاد حماسي اجرب عالم مو عالمي
وادخل دنيا مو دنياي
تنهدت براحه
وهمست لـعزام/ عبد الملك برا؟
/ لا راح مع عبد الاله والشباب لاحمد وعلي
تنهدت/ بيسافرون العصر
بتعجب/ من معه؟؟
/ هو وعزيز .
/ لا عزيز عيا يقول بيجلس مع عبد الاله
/ صدق؟؟
/ ايه ..ديم لو رحنا هناك بيصير لنا غرفه لحالنا ومطبخ وحمام
ابتسمت لانه يحسب الزواج تذكره عبور لعالم الاحلام/ اكيد بس انا بنام عند عبد الملك وانت عند عزيز
صرخ بفرررررح/ اماااااااااااااااااااااااااااااااااانه
نزلت دموعي لان عزام مو فاهم من هالحياه شي
لحظات وسأل بشك/ وانتي ليش تنامين عند مليك؟؟؟ تراه رجال مايصلح ينام عندك ...صح هم مالهم اخت بس عندهم جده نامي عندها
تنهدت وابتسمت له مابي من الحين اتشرط واشرح له
خلها مع الوقت
/طيب عزيز فرح؟؟
/ يووووه مره يقول بعرفك على اصدقائي وبدخلك النادي معي وبعد له منتدى مسويه له عبد الاله يقول بخليك تساعدني فيه
وووووو وش بعد
دخلت ام عزيز وعزام قطع سوالفه و طلع برا شكله فهم انها تبيني بسالفه
جلست جنبي/ مبروك يالغلاا
بخجل/ الله يبارك فيك
/ والله لو ربي رزقني ولد ماياخذك غيره ..بس عبد الملك مثل ولدي واغلا ومن حسيته يبيك ان صدري منشرح واقول الحمد لله بنتي لولدي
/ الله يسلمك
/ يمكن بدري على الكلام اللي بقوله ..بس لازم تسمعينه
/ امري
/ ابيك تحطين عبد الملك بين اعيونك ..البنت لاتزوجت يصير زوجها كل شي لها ابوها وامها ودنيتها كلها وتبديه على الكل وشوره تسمعه وكلامه يمشي عليها وان طلبها ماترده وتكون هي بالمثل تكون له احن من امه واقرب له من نفسه الرجال ياأمك بيد المرأه مثل الطفل لاعرفت تكسبه
عبد الملك ياديم طيب وحنون يمكن انه احيانا يعصب بس مايعصب به إلا الشديد القوي
لاعصب لاتراددينه وتركيه يهدأ وبعدين كلميه واشرحي له وجهت نظرك وافق كان بها ماوافقت لاتعصينه
وماتطلعين من بيته إلا بشوره وماتدخلين احد عندك إلا برضاه
والاهم مابيه يشوف منك إلا كل شي زين
وتكونين نظيفه مرتبه من برا وداخل مايشم منك إلا الريح الزين ولايشوف إلا مايسره
ولاجاء من شغله يلقاء غداه والم وبيته مرتب ومعطر وانتي بالمثل
كانت تكلم وتشرح وتفهمني بس كل هذا اعرفه سوا عن نظافتي او نظافه البيت او تعاملي معه ومع اهله
حتى ليله الدخله تكلمت لي عنها تحسبني جاهلتها صح محد علمني بس غريزه بكل بنت تعرف هالامور
من خلصت دعت لي واخيرا ضمتني
وانا بدوري بكيت هالايام صايره ما اتحمل شي ....
طلعت وتركتني بوسط المعمعه انا اعرف هالكلام وكلام عزام حمسني
بس فيه حلقه مفقوده
هل بسافر ب6إلى 7 ثياب مابين ملونه وبناطيل واسعه ومشط وشوي ملابس داخليه وكريم مرطب بيكمل عندي السنه وانا اداريه واحافظ عليه لايخلص
ولا لازم اخذ اشياء احسن وارتب واكشخ
ولو كذا وش اخذ ووش يعرفني الزين
والاهم من وين اخذ ومتى وكيف
فجأه لقيتني ابكي من جديد ياليت امي عايشه كانت بتساعدني
دخلت ام ياسين ومن شفتها مسحت دموعي توها بتجلس دخلوا البنات
بس طردتهم وطلعوا وهم يتغامزون
ما راح اقولكم وش قالت لانه تقريبا نفس كلام ام عزيز
بس الجديد هي قالت بتروح معي لسوق قريب فيه اغراض وملابس لازم اشتري منها
ما انكر فرحتي واني لقيت ضالتي
بس هي تراجعت عن السوق وقالت بتكلم رامي نروح للمدينه
خفت انا بحياتي مارحت هناك ومن شافتني متعجبه
قالت ان الاشياء هنا ماتناسب حياه المدينه لان ملابس عبد الملك و عبد الاله وعزيز مو نفس ملابس الرجال هنا فأكيد الحريم غير بعد عن هنا ...
طلعت وجو البنات يضحكون ويتغامزون
ابتسمت الحين صح بديت احس اني عروسه
واللي اثبت لي انهم قالوا بعد صلاه الظهر بيملكنا العمده بالمسجد
مدري وش حسيت فيه بس احساس فرح احسه بيشق صدري ودي اصرخ اضحك ابكي بس المهم اعبر

۞ عبد الاله
سكرنا من جدتي مكلمها انا وعزيز ومليك
باركت لمليك وبكت من عرفت ملكته بعد الظهر
وقلنا لها ان طيارته الليله وت