۞۩๑هلا بالصمت دام الصمت مايجرح مشاعرنا๑ ...روايه سعوديه بحته ۩۞

۞ بيت ابو يوسف
كانت هند جالسه تكلم مزون ومن سكرت
/ يبه
يشتغل على لابه / هلا
/ عزمت صديقتي وريوف على العشا بس ا ..
يقاطعها/ اطلبي اللي تبين وقولي يحطه على الحساب
ابتسمت وقامت له وضمته/ الله لايحرمني منك
ترك شغله وباسها / ولامنك ولا من اخوانك
دخل محمد / هااااااااااااه وش عندكم؟
هند / وش دخلك ..بعدين السلام لله
ضحك وسلم وقرب وباس راس ابوه ..
وجلس
قامت هند وجابت القهوه والشاهي اللي جهزتهم الخادمه
وجلست معهم تسولف
إلى ان دق جوالها كانت ريوف بنت عمها
/ طيب هذولا البنات بروح لهم
فتحت لهم ودخلوا لصاله الثانيه اللي كانت عباره عن مجلس كبير


۞ ريوف
كانت معهم ومش معهم
للحين مو مصدقه وجود الرساله وكيف مو لي وانا المقصوده وهي بوسط دفتري والاهم خط حبيبي
آآآآآآآآآآآآآآآآآآآآآآآه يا عبد الاله متى بتريحني



۞ صباح جديد
في ارض الوحوش
كانوا يفطرون ويسولفون مع بعض
والاولاد اللي مواصلين من البارح
جالسين معه
..../ سلام عليكم
صدوا كانوا التؤام وجد المـــى
جلسوا معهم وديم قامت تجيب الفطور
اللي كان لحم غزال مقلقل (خخخخخ)
دخل وراها ومن شافته ابتسمت
بهمس/ مصادقه ناس من وراي ...؟
(يقصد عبد الاله لانه علمه ببطولاتها)
ابتسمت/ تراه صار اخوي وعندي شهود
ابتسم باعجاب/ وانا وش بكون بالنسبه لك
ماكان عندها اجابه لانها مافكرت بيوم عن حبها وش بيرسي عليه لكذا شالت الفطور وطلعت بدون ماترد

بعد الفطور كل راح لشانه و عبد الاله دخل ينام والاولاد بعد ناموا
تبقت ديم والجده وعبد الملك
الجده/ وينك امس بطوله؟
/ كنت مشغول
الجده/ وين؟
/ ااا كنت عند اا ايه مع احمد في مزرعتهم
ديم بعفويه/ بس احمد كان هنا طول الوقت
/ انا مو معه هو مع علي ...اا كان يبيني اساعده
الجده ببراءه / وليش ماطلب من اخوه!!
/ طلب بس اخوه قال يبي يجي لشباب قلت اخذ مكانه
.............كلام عبد الملك مر على الجده بسلاااام بس ديم ما خفى عليها ارتباكه وتصريفه
ومن قامت الجده لمكينتها
همست ديم/ علي من العصر كان هنا شفته قبل لا نطلع لصيـــد
بهدؤ/ اكذب يعني
ماعلقت ولحقت الجده ....

۞ العمده
كان جالس بالمسجد المكان اللي يكون مقر الصلاه والاجتماعات
كان يقرأ قران
دخل عليه احمد قبل صلاه الظهر بساعه ووجه مايبشر بخير سكر المصحف ووقف بخوف
/خير ياولدي
/ ياعم السفاح رجع
بصدمه/ حـــــــــــي!!
/ ايه قريه الـ ..... قتل فيها شاب وزوجته وولدهم
/................
/....
/ لا حول ولا قوه إلا بالله ,,,تونا نقول يمكن مات والاعور على اختفائه قلنا يمكن قتل
بس الظاهر انه كان هدؤ قبل العاصفه

انتقل الخبر إلى ان وصل لديم
إللي طلعت تدور اخوها وعزيز بس مالهم اثر حتى النهر ماهم عنده
طارت تسابق الريح لمزرعه علي واحمد
وهناك شافت علي ونادر سلمت من بعيد وسألت عن الاولاد
بس قالوا ماشافوهم
خبرتهم بالسفاح وانصدموا مثلهم مثل أي فرد بهالقرى
رجعت ادراجها بس هالمره معها الشباب جو يتأكدوا من الخبر
ويشوفوا لهم حل مع العمده
دخلت بيت ام عزيز يمكن تكونوا رجعوا
وفعلا كانوا هناك
عصبت عليهم بس من عرفت انهم ماطلعوا اصلا وكانوا طول الوقت بغرفه عبد الملك انحرجت وسكتت
و عبد الاله ضحك على احراجها قامت للغرفه
وطنشتهم
شوي دخل عندها عزام اللي ماتكلم بس جلس بصمت جنبها
سحبته لصدرها ومسحت على راسه/ تعرف انه مافي حياتي غيرك وماودي السفاح يسلبك حياتك مثل ماسلب الاعور حياة امنا وابونا
باس راسها بعرفان
وهي بدورها همست/ لاتزعل
/ما ازعل منك
/بس يمكن احرجتك قدام عزيز والتؤام
/لا عادي ...وبعدين ترا حنا صرنا اخوان
ابتسمت بفخر/ واكثر من اخوان


۞ الجده ام عبدالله
مسيره على بنتها ام مزون
وتغدت معهم وقيلت
ومن اذن العصر صحتها منال تصلي
والحين هم في الصاله على قهوه العصر
دخلت ريوف وامها
سلموا وجلسوا
مزون بهمس/ ريوف
/ هلا
/ وشفيك ؟تعبانه؟؟
/ لا ..بس مصدعه
/ للحين!!
تورطت لانها امس من لاحظت تغيرها في العزيمه عند هند سألتها وش فيها قالت صداع / ايوه نمت البارح ما اخذت حبه قلت خاف اتعود بس للحين مو طايقه نفسي
وقفت مزون/ بجيبلك
مسكت يدها/ لا لا كليت وانا جايتكم
/ زين اجل شوي وتفتح قناتك
ضحكت مجامله وماعلقت ....

۞ ديـــم
فزيت كنت على سجادتي تذكرت اني صليت الظهر وانسدحت اريح شوي
تمغطت وطلعت اتوضأ ماشفت احد ودخلت اصلي بعدها بدلت ملابسي ولبست بنجابي اسود طبعا جاهز مو مفصل من عند الجده
اذكر شريته من سوق الجمعه
كان روعه على جسمي
وحطيت روج فاتح معطي بشرتي نضاره
طلعت كانت الجده برا مع عبد الاله اللي منسدح على رجلها
/ السلام عليكم
جلس عبد الاله وابتسم/ وااااااي شو هالجمال
ابتسمت
والجده قالت/ بنتي قمر من يومها
ابتسمت وبست راسها وجلست
/ اقول يمه صدق طلع السفاح
/ ايه يمي
عبد الاله / طيب وش الهدف من قتل هالابرياء
محد علق
وقام/ انا بطلع لنادر مواعده
الجده/ انتبه لنفسك ..ولخوانك تراهم برا
/ ابشري
طلع عبد الاله وصديت لام عزيز/ اقول يمه وين عبد الملك ؟؟
/ يقول عند علي بالمزرعه راح له من الصباح يقول بينشغل معه للمغرب
شكت بروحاته والمشكله ماشافته عند علي والاهم ان علي رجع معها هنا
ماعلقت وطلعت لالمــــى ,,,,







مر يومين جديده لا الاعور ظهر ولا السفاح انسمع له صوت
و عبد الملك على اختفائه ومايطلع إلا المغرب قبل لا يروحون للغابه
بدت تشك فيه
شافته المغرب راجع وبملابسه دم ووجه متغير
كانت بتسأله بس ماعطاها اهتمام
بدل على السريع وطلع لصلاه
كانت تنتظره برا ومن طلع
همست/ عبد الملك
صد وشافها/ هلا
/ وين كنت؟؟
ابتسم / اممممم ماحب احد يسألني عن تحركاتي ووبعدين قوم ابي الحق على المسجد ..
راح وهي ضلت تطالعه إلى ان وصل المسجد
صد وشافها تطالعه ودخل

كانت بتدخل بس شافت ام رامي والبنات جايين انتظرتهم ودخلوا سوا
صلت وبالها مشغوووووووول
وطلعت عندهم لقت ام ياسين بالمطبخ
قررت تساعدها في تجهيز العشا
إللي كان ارانب من صيد عبد الاله ونادر



۞ الصبااااااااااااااااااح
انقطع الشك باليقين عندها و عبد الاله يعلمهم بضحايا جديد لسفاح
بدون شعور منها انطلقت للكهف مكان ماكانت تنام وتاكل وتشرب
جلست بسريرها اللي كان مليان قش
ضمت نفسها بيدينها وبكت بالم وحزن وندم على ايام وليالي قضتها بذكرى إنسان مايستاهل منها الشفقه حتى !!!!!!!!!!!!! انصدمت وتأكدت شكوكها من شي ياماااا حاولت تنكره !!!!


رجعت قبل الظهر لبيت ام عزيز ودخلت تصلي ونامت ماودها تشوف احد ولاتتكلم
دقايق ودخل عزام وقرب منها/ ديم
/ همممم
/تعبانه؟
/لا
/ شي يعورك؟
/ لا
/طيب ليش ماتبغين تاكلين؟
/ عزام تكفى اتركني بحالي
استغرب وضعها وطلع لهم
الجده/ هاه وينها؟
بهدؤ / تقول مابي
توجهه للباب بيطلع
عبد الاله / وين؟
صد لهم / بطلع شوي
عبد الاله / والغداء
/ مو مشتهي
طلع والجده همست/ اخته مو طيبه
عبد الاله باهتمام شكك عبد الملك في علاقته بديم/ وشفيها يمه؟
/ لي يومين مستنكره وضعها بالنهار سرحانه وبالليل تبكي
عبد الاله بدهشه/ تبكـــــــــــي!! ليه
/ مدري ..فيه شي مضيق صدرها ؟؟اخاف انها تبي ترجع للغابه ومستحيه تقولي
عزيز/ لا يمه تكفين خليهم معنا تعودنا عليهم
صد عبد الاله لــعبد الملك /خير ليش ساكت انت بعد؟؟
/ ودي انام
تغدوا ودخل لغرفته ونام ....

۞ ديـــمـ
كانت تبكي بكى الكهف ماكفاها ولا خفف همها
لدرجه ماحست بالي دخل عندها
وبيدينه الدافيه لامس ظهرها صدت كااااانـ .....

۞ ديــم
كان ودها تتأكد من شي بس ماسألت
شافها جالسه بطرف البيت وسرحانه وانشغل من تفكر فيه
كان وده يقرب منها ويسألها وش فيها
بس استحى من جدته هذا غير ان علاقته معهابس بانظرات بعكس عبد الاله اللي يمووون وبقوه عليها
دخلت جدته المطبخ وفز وراح لها
جلس قريب منها / وشفيك؟
جااااها صوته من اعماقها كانه يسكنها/ ........
/ تعبانه؟؟
/....
/ احد مضايقك؟؟
لازال الصمت يلف اسألته
همس/ حبي ردي علي
حست بدموعها بتخونها قدامه قامت بهدؤ ودخلت غرفتها
سكرت الباب ورمت نفسها بفراشها
خافت الجده تدخل وراها مره ثانيه وتشوف دموعها وهالمره اكيد بتصر تعرف وش فيها
مسحت دموعها ولبست عبايتها وطلعت لالمى
قابلها رامي ووقف يطالعها تعجب من العبايه مع انه شافها من قبل
بس السواد اللي المفروض يسترها زادها جمال وحيويه
تنهد ومر بس هي نادته
صد/ هلا
/ امممم رامي انا ماودي اجرحك بس صدقني انا احملك مشاعر اسمى واجمل من المشاعر اللي تشيلها لي بقلبك ..بس وجه الشبه بينهم اني اتمنى لك الخير
وانا افرق عنك اني اعتبرك الاخو اللي احسد ياسين عليه ..بس انت وش تشوفني ؟؟ الحبيبه!! صح ؟؟
فهم قصدها وماعلق
همست/ صدقني مشاعرنا مو ملكنا وقلوبنا تحكمها الظروف .....سامحني يارامي ...بس انت مو الانسان اللي احلم به ...
/......
ماعلق وكملت/ حلمي بانسان يحقق احلامي يعيشني بامان وراحه بال ,,,حلمي اشوف عزام انسان مهم وله قيمه ومركز ...
حلمي اكون انسانه ناجحه مو كذا عايشه بهامش الحياه بلا هدف ولاقيمه
شاف دموعها
وحس انها مليانه مشاكل وهموم وضيقه
مومثله همه حبها ويملك قلبها
هي همها تجاوزها ووصل لاخوها
همها تسعده وتشوفه انسان ناجح
همها تلقى اللي يريحهم ويضمهم تحت جنحانه كأنهم اطفال
وفعلا هي طفله 18 لسى ماتجاوزتها
ابتسم بقناعه ومد يده لها ترددت كثير قبل لاتبعد يده وتضمه
ابتسم / سامحيني انا اللي المفروض اداريك واهتم بكم بس والله غصب عني اكون بعالم وانتم بعالم تعرفين ظروف القريه تخلي كلن بهمه وحاله وانا بالذات وضعي مقيدني مو قادر اغير شي بهالقريه
سحبت نفسها بحياء من صدره
/ صار خير ...بس تجنبك لي يحسسني اني انسانه غير مرغوب فيها
ابتسم/ خلاص من اليوم اخوان
هزت راسها بالرضى وهي تمسح دموعها
ومن مد يده صافحته وهي مبتسمه / ماتعرف وش كثر ريحني كلامك ...
ابتسم وماعلق .....

۞ عبد الملك
كان يشوفها تبكي على صدره حس بالغيره ..كيف طالع بيشوف وش مضايقها وهي هاربه منه لغيره
ما انكر انه انقهر وحس بطعنه بقلبه اللي حبها وحلم بها وتمناها ....تحب غيره وتتمناه
رجع للبيت قبل مايشوفونه كان عبد الاله بوجهه
/ههههه لاحقها صح؟؟
بقهر/ ايه لاحقها بس اكتشفت انها تلحق غيري
مافهم عليه وهمس/ تحب!!
/ اللي شفته اكبر من الحب
دخل و عبد الاله طلع يشوف من هاللي يحبها اكثر من اخوه
بس ماشاف احد
دقايق وطلع عبد الملك بخيل جدته ومعه سلاحه
عبد الاله / وين؟؟
/مشغووول ..بتخاويني؟
/ لا ياشيخ انا ماصدقت اشوف عزيز وامي تبيني اروح
/بكيفك بس انتبه لنفسك ولهم
بشك/ بطول؟؟
/ يمكن ارجع بكره
بدهشه/ والاعور
/ ياشيخ هالاعور مثل السعلو نسمع به ولانشوفه
/هههههههه ظنك
/ يالله مع السلامه
/ مليك
صد بعد مامشى / هلا
/ انتبه لنفسك
هز راسه ومشى
و عبد الاله رجع للبيت خذا خيل ديم وطلع لمزرعه عند الشباب ومعه عزيز وعزام

۞ المـــــى
جالسه وبحضنها كوالا (سنجاب عزام)
/ اقول ديم
/هلا
رفعت راسها لها/تتوقعين الاعور مات
/ هههههههه مستحيل هذا ابو سبعه ارواح مايموت
/صادقه
ياسين جالسه تساعد امها بالغزل/ تصدقون مرت فتره عن هالسفاح وقلنا يمكن مات ...بس هذا هو رجع واليوم الصباح يقول رامي قتل 3 اطفال بقريه الــ .....
انصدمت وماعلقت
تذكرت الدم اللي بملابسه وربكته والاهم انه ماكان بمزاجه حتى ماكلمها
المى بغيض/ ديم
/هلا هلا معك
/ اللي خذا عقلك
ماعلقت وطلعت لبيت الجده
اللي خبرتها ان الاولاد طلعوا مع التؤام
طلعت مع الجده لنهر بخيل المى وياسين لان خيولهم مع التؤام
وهناك جلبوا فواكه ورجعوا بعد ساعه
كانوا الاولاد عند المسجد ومن شافوهم جو وراهم
عزام/ من سمح لكم تتجاوزون شغلي
ديم/ بس انت تركت هالشغله من فتره
تنهد/ صادقه من زمان ماجبت فواكه ووزعتها على الفقراء والبيوت
الجده/ بكره تتعدل الظروف وترجع لشغلك بحمااااااس
ضحك وساعدهم بتنزيل الفواكه وتوزيعها مع عزيز على بيوت القريه
وبعدها صلوا المغرب ورجعوا للبيت
اما المحاربين راحوا للغابه
وصار بكل مخبأ من 3 المخابأ 4 رجال
و3 الباقين المفروض هم 4 بس عبد الملك مارجع فتبقى 3 بالمخبأ الجديد وطبعا هالمخبأ عباره عن فخ للاعور يشوفهم تحت الارض من خلال الفتحات الصغيره بس مايقدر يوصل لهم ولو حاول بيطيح بشر اعماله من خلال مصيده عباره عن حبال توثق ايدينه ورجلينه

طبعا بعد ما الكل خذا موقعه جلسوا يسولفون مثل العاده
كان في اول مخبأ احمد و عبد الاله ونادر ورامي
كانوا يسولفون وهم اول من تنبه لصوت الغنم اللي برا الكهف
كان صوتها عالي والواضح انها مرعوبه من شي
ثواني وسمعوا الهروله كانت الصدمه المخلوطه بفرحه
كان الاعور بس واضح انه مصاب لانه يعرج بس بنفس القوه والضخامه والنشاط وقف يطالع مكانهم بشك بس هم مداهم تراجعوا لاخر المخبأ عشان يكمل دربه بحماس لنهايه الكهف
وفعلا حاسه الشم قادته لمكان ثاني وثالث ورابع
بس من دون فايده ماشاف شي بعينه
سمع تصفيره عاليه وصد بعين قويه للصوت كان يشوف يدين تظهر له من الارض
ركض للهدف اللي كان امام المخبأين 2 و3
اقصد قدام غرفه ديم اللي بابها ضيق وقدام المخبأ 3 اللي فيه علي والعمده وشابين من القريه الثانيه
بدأ يعافر يبغى يوصل للبشر المحتجزه هنا
وحسب الخطه مافيه رمي قبل لا يعلق الاسد بالمصيده لانه لو سمع الطلق بيهرب قبل لاتبدا المعركه مر وقت والاعور يحاول والشباب في المخابأ تترصد بس بدون مايظهرون بشكل مكشوف
دقايق ونجحت المصيده بالتقاط رجلين الاسد ووحده من يدينه
(اسياخ حديد مثبته بصخور كبيره وقت مايشوفوا الشباب ان الاسد وقف بالمكان اللي راسمين له يدفوا الصخور اللي بتسحب الاسياخ وياويل من كانت ماسكه لانه اكيد بيفقد الحياه لسبب انها بتقيد حركته ويمكن تكون كسرت رجلينه وهذا اللي صار مع الاعور بس رغم انه طاح بالمصيده إلا انه يعافر ويزائر بشكل مخيف والاهم ان وحده من يدينه للحين سليمه وبها يحاول يسحب نفسه من الفخ
بس ممكن يقدر لو ما كان فيه ناس تترصد له
كانوا بيرمون لكن العمده رفض لسبب انهم يبغون يتمتعون بشكله وهو يتعذب ومو قادر ينفع نفسه بشي او يرد عنها شي
مر ربع ساعه والاعور يحاول
بس هالشي زود هيجانه وغضبه
عند هالوضع ابدأ العمده بطلق النار عليه اشاره منه لبدأ الحرب قبل لا يتمكن الاعور من تخليص نفسه
مر 9 دقايق ماينسمع فيها غير صداء الرصاص وصوت الفشق توقفوا وهم يشوفون الاعور بلا حراك والاهم بحيره الدم اللي تجاوزت حدود المكان ووصلت للمدخل حيث كانوا الشباب تتقطع قلوبهم للمشاركه بس يعد فخر لهم فوق النصر في القريه والقرى المجاوره والناس اللي تأذت منه يكفيهم شهدوا الحدث
نزلوا من المخبأ يركضون وهناك كانوا اهل المخابأ باماكنهم يتأكوا من موتت الاعور قبل لايخاطروا بارواحهم
بس من شافوا عبد الاله والشباب يهرولون من بعيد نزلوا يشاركونهم الفرحه
مسك رامي رشاشه وثبته براس الاعور إلا ان فرغ جميع الطلقات فيه ومثله سوا نادر واحمد اما عبد الاله قام يرفسه ويشوته ومن بردوا قلوبهم على صوت الصراخ والتصفير والفرحه اللي ملت الكهف
وقتها كانوا لسى مادخلوا النصف الاخير من الليل
جابوا خيولهم ربطوا رجلين الاعور ويدينه باربعه حبال وربطوها بالخيول
وانطلقوا 15 رجل
للقريه ومن طلعوا على مشارف القريه اطلقوا النار تعبير عن فرحتهم اللي بكى العمده وهو يشوف فرحه اولاده واهل قريته بموت هالاعور ودموع الجد راجا ابت الا ان تشاركهم الفرحه
طلعت ام عزيز تتأكد ومن شافت الشباب ومعهم النار على الخيول وسمعت طلق النار وصراخ عرفت انهم جابوه
قامت تزعرد والبنات والاولاد طلعوا يتأكدون حتى باقي بيوت القريه طلعوا الحريم والاطفال يتأكون ومن شافوا الاعور تسحبه الخيول
شاركوهم الاطفال الفرحه عن طريق الصراخ
نزلوا المحاربين وفرحتهم ماتوصف
تقدمت ام رامي بغضب جامح وبيدها خنجرها وطعنت الاعور قرابه 20 طعنه ومثلها سووا حريم القريه
كأنهم بهالوضع يثأرون لاولادهم وازواجهم واهاليهم مر وقت وماهي إلا دقايق وتجمعوا الناس من القرى المجاوره وصار العيد عيدين والفرحه فرحتين
وزادوا على الصباح وتجمعت الناس والصحافه والتلفزيون يسجلون اكبر حدث واعظم خطر هدد ارواح الناس
واللي يدعوا لسرور ان القريه رجعت لسابق عهدها وليلهم تحول نهار وفرحتهم ماتوصف
ومن القهر قرروا يشون الاعور على النار ثم كلوه تعبير عن حزنهم على اهلهم اللي كلاهم بدون رحمه
عبد الاله بدهشه/ يمه حرام ياكلونه
همست له/ اسكت هم كذا يعبرون عن فرحتهم وهذي عادات عندهم مربوطه بديانتهم
/ بس ليش ماننصحهم
/ تعبنا معهم
/ كيف؟؟
/ لما يمشون بقولك
بس مامشوا بالعكس انتظروا الليل عشان يحيون حفل كبير ماخلى من الطق والاغاني والالعاب ورقص الخيول وحضرت الحفل فرق للعروض من المدينه وقنوات اصرت تسجل فرحه الناس






...و لو رجعنا لظهر اليوم هذا وصل عبد الملك مثل ماقال لــ عبد الاله ...بس خبر الاعور سمعه وهو بقريه تبعد الاميال عن قريته
بارك للعمده واعتذر من عدم وجوده بس الاعمده اثناء عليه وشكره وقال انه مايقل عنهم بشرف قتله

۞ ديــــم
حسيت بصداع ورجعت للبيت بوسط المعمعه ولو انه ماودي اترك هالوناسه
اول ماصليت وحطيت راسي بنام ولعت لنبه براسي
فزيت وخذيت لي ملابس وركبت خيلي وطرت لبيتي ومطرح راسي دخلت الكهف اللي انقتلت فيه امي وبعدها انقتل الاعور بس بموته ابشع
تنفست بعمق وانا اشووف دم الاعور دخلت الغرفه اللي ننام فيها وفرشت بطانيه على سريري
وانسدحت بامان وراحه بال حسيت بدموعي تنزل وبكيت
كنت جايبه معي شعله من القريه تنور لي الطريق ولو ان الفجر بدا يدخل بس لان الكهف اظلم مع اني حافظه كل شبر فيه...
اذن الفجر صلت ورجعت لسريرها جلست ساعتين سرحانه بحياتها
فزيت وانا اشوف ضلال رجل قدامي
جلست كان عبد الملك ابتسمت بالم
وبقهر صرخت/ نعم
بهمس/ وشفيك؟
ضحكت بسخريه / جيت تقتلني
استنكر كلامها/.......
صدت عنه وهمست/ تقدر توهم الناس وتمثل بس انا مو أي شي يمر قدامي
/.......
ماعلق وهذا اللي زاد قهرها صرخت/ اطلع برا ..اطلـــــــــــــــــــع برا
/........
شافته مطنشها قامت تدفه بس ماتحرك قررت تطلع هي... بس كيف وهو مسكر الباب بجسمه
/ابعد عن طريقي
ابتسم وهو لازال يتأمل وجهها
دفته ومن تراجع طلعت
صفرت لخيلها اللي ترعى ومن جتها ركبت وراحت للقريه
بس اوقفها صوته
/ديم
هدت سرعتها بس ماطالعت له
/ ليش احسك تغيرتي
بكبرياء مجروح /وبظل كذا لين اموت اللي مثلك حرام يطالع بوجهه
صدت ومسك لجام خيلها
/ وشفيك؟
/ كل هذا وتقول وش فيني (نزلت دموعها)
بمرح/ حزنانه لانهم قتلوا الاعور
ماتدري ليش ضحكت
ابتسم ومسك يدها / وش اللي مضايقك؟؟
بهمس/ وجودك بيننا
ركض خيلها بعد مالكزته وتركته ورااااااااااااااااااااااااااااها يفكر بتغيرها عليه ....

دخلت البيت الجده وهناك قابلت عبد الاله بيطلع
/ ديم
/ هلا
/ تخاويني؟؟
/ اممممم وين؟؟
/ تعالي
كانت نازله وماسكه فرسها ومن طلبها تخاويه ركبت وطلعت وراه
/ عبد الاله وين بنروح؟؟
/ نتمشى
/ طيب بنادي عزام وعــ ..
يقاطعها/ إذا مو واثقه فيني خلاص
باندفاع/ لا والله مو كذا بس انا محلفه عزام مايطلع من القريه ودام حنا بنطلع ناخذه
/ ااا بكيفك بس كنت ابغاك بموضووع شوي شخصي
برضى/إذا كذا يالله
/معك سلاحك؟؟
/ ايوه
/ يالله ..(يأشر لها على الطريق) بنطلع من هنا ..
/ احسن هناك اهل القرى وزحمه
/ افطرتي
ابتسمت/ بتعزمني
ضحك وكملوا طريقهم
مشوا وبعد فتره طبعا ماخلت من السوالف الجانبيه والضحك
/ هاه نجلس تحت الشجره ذيك؟
/ اوكيه
نزلوا وجلست على الصخره وهو جلس تحت الشجرة وسند ظهره بتعب نفسي قبل لايكون جسدي
بتردد/ عبد الاله
/ نعم
/ عبد الملك وين كان ليله قتل الاعور
/ مدري بس ماكان عندنا
/.....
/ ليش؟؟
/ لا بس اسأل
خذا عود من عودان الشجره اللي طايحين جنبه وبدأ يرسم
لاحظت ديم تشتته وانه بدا ينسى وجودها
/ وشفيك ياخوي؟
صد لها وابتسم/ ياحلو هالكلمه
ابتسمت/ يصير اتكلم معك بجديه؟
/ اكيد
/اممم انت خاطب؟
/ قلتلك من قبل لا ..بس مجرد كلام
/ اها ..
/....
/.....
/تحب؟؟
من دون مايطالعها/ اللي اشيله لها بقلبي مو حب آآآآآآآآآآآآآه (صد لها) اكبر من الحب نفسه ...هي كل شي لي الحبيبه والغاليه والقريبه هي بنظري احلى البنات واجملهم هي نسمه رقيقه أي شي يجرحها
بمرح/ احلى مني
طالعها وقبل لايتكلم ضحكت/ اكيد احلى على الاقل بالنسبه لك
ابتسم/ الفرق بينك وبينها انها بيضاء
عصبت /تراني بيضاء بس هذي عوامل الطبيعه ..بس انت وش عرفك
/هههههههههههههههههه عارف انك بيضاء بس بشوف ردت فعلك
بس بيني وبينك انتي احلى منها البرونزي شي عليك كانك من نجوم البولند
ابتسمت/ من ذولا!!
/ههههههههههههههه الله يقطع سوالفك
جلسوا يتأملون الطبيعه من حولهم
صد بيسألها عن مشاعرها تجاه اخوه بس شافها تتامله
حط يدينه على وجهه/ استحي تراني اخوك
/هههههههههه
/ تبين تعرفين اللي سبب الجرح اللي بوجهي
باندفاع/ ايه
/ حادث كان بيدمر حياتي ....
سكت وحترمت الصمت اللي دار ومن شافت ملامحه الجديه نزلت وجلست قدامه انتبهت لعيونه اللي امتلت دموع ولطبيعتها الحساسه نزلت دموعها مدت يدها ومسكت كتفها
كمل كأنه كان ينظر هالمسه الحانيه/ كنت قائد سريه بالجيش ولي مركز والكل يحبني ويحترمني كنت مهم ومعروف بين السرايا بس عيااال الحرام دمروا مستقبلي تعرفت على واحد بالسريه او بالاصح هو اللي سعى لي حذرني منه ناس كثير من ضمنهم انسان اعتبرته اب بس لاني ماشفت منه شي طلبت تبقى علاقتنا بالجوال بس بينهم سلام بس
استمرينا يمكن 3 شهور كان كل يوم يكلمني واكلمه ومن قلتله اني مقدم على اجازه وبسافر مع تؤامي هو عمل وانا سياحه اصر يعرفني على خويه وشاءت الاقدار وجا بطريقي وتعرفنا على بعض وتوطدت علاقتي معه خلال اسبوعين
وفعلا صار صديقي ومره عزمني باستراحته مع خويي اللي بالسريه وشباب كثير
المهم شكيت بالبودي قارد اللي تبع لخويه ومره سالته وقال انه ولد شيوخ طنشت السالفه وبليله من الليالي حسيتهم مشغولين بافكارهم وبينهم كلام ماافهمه او بالاصح شفرات
ومثل كل مره اطنش لاني كنت على نياتي
المهم دخلت تريله محمله بضاعه للمخزن وشفتهم هبوا ناس تنزل وناس طارت للبوابات برشاشاتهم
هنا راودي الشك حسيت السالفه كبيره واصريت اعرف من خويي
وفعلا سألته قال السالفه سريه ومالك فيها وانك لو نطقت بحرف بتروح ورا الشمس وان القائد يعرف كل شي يخصك من إلى ...
قلت اجل نفترق واعتبرني ماشفت ولاسمعت والله مالكم من جهتي اللي الامان
مر فتره وانا وهو متفرقين ولا بيننا شي بس مره جاني رقم ومن رديت عرفت انه من المجموعه وقال فلاان طالبك بالاسم
رحت للاستراحه ورحب بي وطلب مني اخلص له بضاعه من الجمارك ولان مالي علاقه لامن قريب ولا من بعيد بالجمارك تعذرت ومن اصر وتطلبني قلت احاول وفعلا بمصادري عرفت لجنه التفتيش بالجمارك وعطيتهم نوع شاحنه صاحبي ورقمها وفعلا وصلت بسلااام بس انا كنت شارط اعرف وش فيها والصدمه لما عرفت انها مواد خطره من بارود ورصاص وكذا نوع كلها بودره الفرق اللون
المهم من شفت علومهم كذا قلت تمسحون رقمي ولا اعرفكم ولاتعرفوني انا قدمت لكم خدمه والمقابل تنسوني للابد
وفعلا نسوني وراحت الايام و ....










77


7