رز مقلي بالخضااار

السلام عليكم
اليوم حابه اعطيكم وصفة الرز المقلي بخلطتي
اول شي نبدأ بالمقادير
كوب كل من الخضار التاليه ومقطعه مكعبات صغار
جزر وفلفل رومي وبصل اخضر وملفوف شرائح رفييييييعه
وملعقتان من صوص الصويا
وزيت طبعا الكميه اللي ترغبووون فيه
ورز بسمتي مسلوق 4\3 سلقه
ثوم وزنجبيل مفرومين بالخلاط مع شوي موي بيصيرون زي المعجون وهذا احلى شي
ملح وفلفل اسود
والحين نبدأ بالطريقه مرررررره سهله
اول شي جيبي مقلى كبيير ومانع للالتصاق عشان الرز مايخرب
وحميه زين واضيفي الزيت
وبعده الثوم والزنجبيل وصويا صوص والفلفل والملح
وحركي شوي بعدين اضيفي الخضار ماعدا البصل الاخضر
والرز وقلبيهم دقيقتين
وغطي عليهم لمده 3 دقايق وبعده اضيفي البصل وحركي برفق حتى يتجانس البصل مع باقي المكونات
ويقدم مع اي ايدام حابينه وتراه خفيف وصحييي
تحياتي لكم
واتمنى يعجبكم شكله النهائي من يداتي وتصويري